ولي نهار الأربعاء الجاي

النكتة باللهجة الجزائرية.
قاللك مرة واحد حب بجوز رخصة السياقة، ومن زهرو المسقم
طاح في أنجينيور مرتشي، مالا كل مايركب معاه يبدا يمعنيلو باه يعطيلو رشوة
باه ينجحو، بصح صاحبنا هذا محبش يفهم روحو، أيا لانجينيور زعف وقال للسيد:
- جاوبلي على هاذ السؤال و راك نجحت : تخيل راك تسوق في البلاد و بغيت تكسر الدورة ، وكي درت لقيت راجل طايح علا لرض. واش تدير؟
- قاللو السيد: نحبس، نهز الراجل معايا في الطوموبيل و نديه للسبيطار.
- قاللو لانجينيور: أواه راك غالط. ولي نهار الأربعاء الجاي
أيا السيد راح، و نهار الأربعاء ولى. قاللو الأنجينيور:
- جاوبلي على هاذ السؤال و راك نجحت : تخيل راك تسوق في البلاد و بغيت تكسر الدورة ، وكي درت لقيت راجل طايح علا لرض. واش تدير؟
- قاللو السيد: نحبس، ندير دوميتور و نروح ندور من بلاصة أخرى.
- قاللو لانجينيور: أواه راك غالط. ولي نهار الأربعاء الجاي
أيا السيد راح، و نهار الأربعاء زاد ولى. و زاد قاللو الأنجينيور:
- جاوبلي على هاذ السؤال و راك نجحت : تخيل راك تسوق في البلاد و بغيت تكسر الدورة ، وكي درت لقيت راجل طايح علا لرض. واش تدير؟
- قاللو السيد : نولي نهار الأربعاء الجاية.
هههههههههههههههههه